الجرأة في تاريخ الأغاني المصرية: جنس وخمر ومخدرات

الجرأة في تاريخ الأغاني المصرية: جنس وخمر ومخدرات

في أوائل القرن العشرين، تحديداً بعد الحرب العالمية الأولى، انتشرت في مصر موجة من الأغاني التي تتناول الجنس والخمر والمخدرات والقمار بشكل صريح شارك فيها مشاهير الفن من مغنين وملحنين.

وكانت الأغنية الجنسية تقدم فى شكل طقطوقة، وتؤدى بين فصول المسرحيات بهدف تسلية الجمهور خلالها.

وحول أصول ظاهرة الأغاني الجنسية، يقول الكاتب الكبير فتحي غانم في كتابه "الفن في حياتنا"، الصادر عن دار روز اليوسف: "كان المغني في مصر يثير الناس ويطربهم بشيء اسمه الهنك والرنك وهي الميوعة والطراوة في الغناء، ابتكرها محمد عثمان منذ أيام الخديوي اسماعيل وحفلاته الباذخة. إذ يقضي المغني عشر ساعات متتالية وهو يتلاعب بصوته مردداً جملة أو شطراً من قصيدة. وكانت منيرة المهدية تثير حواس المستمعين ببحة في صوتها فيها طابع جنسي".

وعن جذور علاقة هذا النوع من الأغاني بالمسرحيات، تقول الدكتورة ياسمين فراج في كتابها "الغناء والسياسة في تاريخ مصر"، الصادر عن دار نهضة مصر، إن بدايات القرن العشرين كانت امتداداً لنهايات القرن التاسع عشر، فقد ظهرت إرهاصات للمسرح العربي على يد فرقة سليم النقاش في نهاية القرن التاسع عشر، والتي ضمت الشيخ سلامة حجازي ليغني بين فصولها القصائد.

وتضيف قائلة إن الشيخ سلامة حجازي عمد إلى إظهار الجديد من أفكاره، فبدأ يغني في بدء الروايات وختامها المارشات والسلامات الخديوية والقصائد والنوع المهذب من المنولوجات الحماسية المنطوية على المبادئ والأخلاق الحميدة.

أقوال جاهزة

شارك غردفي بداية القرن ال20 انتشرت في مصر الأغاني التي تتناول الجنس والخمر والمخدرات بشكل صريح قدمها مشاهير الفن

شارك غردالخلاعة والدلاعة مذهبي، من زمان أهوى صفاها والنبي.. نماذج من ما تضمنته الأغاني المصرية من جرأة

وبعد الحرب العالمية الأولي شقت طقاطيق الأغاني الحسية طريقها لتؤدي بين فصول المسرحيات، وأدى نجاحها بين الجمهور إلى انتشارها. وشارك في هذه الظاهرة ملحنون كبار مثل الشيخ زكريا أحمد وسيد درويش ومحمد القصبجي ومحمد عبد الوهاب، وغناها أشهر المطربين والمطربات مثل أم كلثوم ومنيرة المهدية ونعيمة المصرية وبديعة مصابني ومحمد عبد الوهاب، وأغلبها كانت من تأليف محمد يونس القاضى.

كان المغني في مصر يثير الناس ويطربهم بشيء اسمه الهنك والرنك وهي الميوعة والطراوة في الغناء

وإلى جانب أغاني الجنس، انتشرت في هذه الفترة "أغاني الصهبجية" التي تتناول الخمور والمخدرات والقمار والتي حظيت بشعبية كبيرة. وكانوا يغنون في المقاهي وفي حفلات الزفاف الشعبية، وربما يرجع اللقب الذي أطلقوه على أنفسهم لتحريف كلمة صحبة، أو إلى الخمر (الصهباء)، ومع ظهور الحشيش والكوكايين في تلك الفترة غنى لها سيد درويش الذي لحن أيضاً أغنية عن لعب الورق "القمار" وغناها محمد عبد الوهاب.

وعن جذور هذه الظاهرة يقول كامل الخلعي في كتابه "الموسيقى الشرقي" الصادر عن دار مدبولي الصغير: "إن جماعات الصهبجية أو أصحاب قهاوي الحشيش كانوا يجلسون جماعتين متقابلتين على دكتين وسطهما طاولة عليها شمع وزجاجات الخمر البخس، يغنون الموشحات المصرية والشامية وعند نهاية الموشح يبدأ أحد الصبية بغناء موال غاية في سخافة الألفاظ وقبح المعاني".

من الأغاني الجريئة

1. بعد العشا يحلى الهزار والفرفشة

غناء منيرة المهدية وألحان محمد القصبجى وكلمات يونس القاضي

الخلاعة والدلاعة مذهبي

من زمان أهوى صفاها والنبي

لما يخطر حبي عندي بمشيته

تلقى قلبي له يميل من فرحته

شوف دلاله ولا قده وطلعته

تفرح القلب يا ناس كده والنبي

غاب وجاني شفت نوره وبهجته

والفؤاد نعنش وزادت فرحته

والزمان آنس منامي برجعته

تفرح القلب يا ناس كده والنبي

زارني ليلة والقمر باهي السنا

قاللي مين أحلى؟ القمر ولا أنا

والحبيب إن لاح جبينه فحينا

يفرح القلب يا ناس كده والنبي

الغضب ده ليه على أهون سبب

وانت عارف الحب أحواله عجب

يا حبيبي ده الرضا بعد الغضب

يفرح القلب يا ناس كده والنبي

2. ارخي الستارة اللي في ريحنا

غناء منيرة المهدية وألحان زكريا أحمد وكلمات يونس القاضي

ارخي الستارة اللي ف ريحنا

أحسن جيرانك تجرحنا

يا مبسوطين يا مزقططين

يا مفرفشين أوي ياحنا

دلوقت انا بس اللي ارتحت

لا حد فوق ولا تحت

يعرفني جيت ولا روحت

ولا حدش يقدر يلمحنا

يا مبسوطين يا مزقططين

يا مفرفشين أوي ياحنا

قلبي بيطب أوي وخايفة

عندك شباك نواحي عطفة

اقفل ضرفة وافتح ضرفة

وقوم نغير مطرحنا

يا مبسوطين يا مزقططين

يا مفرفشين أوي ياحنا

قعدتنا هناك دي كانت غلطة

لو ان الكاس يتباس غلطة

خد لك شفطة واديني شفطة

حننام على إيه ما صحصحنا

يا مبسوطين يا مزقططين

يا مفرفشين أوي ياحنا

بزيادة أحسن راسي تلف

مش فاكر يوم ما قعدنا نسف

وشربت سكرت بقيت لام الف

وقفلنا الباب واتفلطحنا

يا مبسوطين يا مزقططين

يا مفرفشين أوي ياحنا

3. على سرير النوم دلعني

غناء التونسية حبيبة مسيكة ولم يعرف الملحن والمؤلف ويرجح باحثون أنها من ألحان زكريا أحمد وكلمات يونس القاضي

وجننتيني يابنت يا بيضة وجننتيني

شوفوا المحاسن شوف

جبتي النبيذ الاحمر وسكرتيني

جبتي النبيذ الأبيض وسكرتيني

يا بنت يا بيضة وجننتيني

طالعة من الحمام شبيه الخوخة

والمصة في الشفة دوا للدوخة

عود يازماني عود

لو كان معايا مال لاشتري طنطا

واعشق بنات الشام بالأونطة

لو كان معايا مال

قالوا لعين الشمس ما تحماشي

لاحسن غزال البر صابح ماشي

شوفوا المحاسن شوف

4. شامبانيا يا سلطانة الخمرة

غناء المجموعة في مسرحية فيروز شاه، ولحن سيد درويش وكلمات عبد الحليم دولار المصري

الأغنية مفقودة، ومن كلماتها:

شامبانيا يا سلطانة الخمرة

يا مشروب السلطان والامرا

شامبانيا هيجتي الناس

يا لؤلؤ يضوي في الكاس

من أغاني المخدرات

1. اشمعنى يا نخ الكوكايين كخ

غناء منيرة المهدية وألحان سيد درويش وكلمات بديع خيري

إشمعنى يا نخ الكوكايين كخ

ده أكل المخ

هلكنا اعمله على غيرنا جاي لي تطخ

وجاي تبخ

شطب

هو انت شريكنا حتى في مناخيرنا

إيش شربك إنت يا دورجي

المدعوقه دي وخنافتها

بتكلفني كوكايين كام في ليلتها

ياما راح قناطير جواها

من القزايز إياها

أنا صحه انا صحه

لا اله الا الله

راحت مورتو

العايز اهبل يا خواجه زنفل

يروح ابو زعبل وأبوها علشان تنشيقه

ولا خمسه جرام ولا عشره جرام

بيقضوا أخوك ده انا اشطب على ميت توريقة

مش غايته الجيب حاينفض إيه يعني

المخ ياكسد إيه يعني

نشمه أبيض يطلع أسود

ياما حكما وأجازجيه

ياما حانوتيه وتربيه

بقوا أغنيا على حس الكوكاينجيه

هي هي هي شوف الدنيا

2. الحشاشين (التحفجية)

غناء محمد محسن ولحن سيد درويش وكلمات بديع خيري

يا ما شاء الله ع التحفجية

أهل اللطافة والمفهومية

إجعلها ليلة مملكة يا كريم

ده الكيف مزاجه إذا تسلطن

أخوك ساعتها يحن شوقا

إلى حشيشي ميتى ميشي

إسأل مجرب زي حالاتي..

حشاش قِراري يسفخ يوماتي

خمسين جرّاية، ستين، سبعين

ها يا مرحب

صدّق وآمن بالذي خلقها

وقال كوني جوزة لكل من يدوقها

ما يسلى أنفاسها بملايين

بس الأكادة حبس وظلومة

يكفينا شرّك يا دي الحكومة

أول ما نسمع زنة ناموسة

تبص تلقى كل الشخوصة

إكسبريسات راحم طايرين

ها ها هأ يا مرحب

هو إحنا يعني علشان غلابة

لا بتوع قراية ولا كتابة

تهينونا؟ فلتحيا التفانين

كان يبقى شنبي من غير مؤاخذة

على كلب رومي ولا على معزة

أول ما تنده وتقول يا قُرقُر

آجي مشمّر من غير تقُرقُر

هو ابن مصر حيخاف من مين؟

ها يا مرحب

ورينا أجدع بيه ولا باشا

يقدر يعايب ع الحشاشة

فشر يا دقدق صلاة ع الزين

وأقولك الحق يوم ما نلقى

بلادنا طبّت في أي زنقة

يحرم علينا شربك يا جوزة

روحي وانت طالقة مالكيشي عوزة

دي مصر عايزة جماعة فايقين

يا مرحب

ورينا أجدع بيه ولا باشا

يقدر يعايب ع الحشاشة

فشر يا دقدق صلاة ع الزين

وأقولك الحق يوم ما نلقى

بلادنا طبّت في أي زنقة

يحرم علينا شربك يا جوزة

روحي وانت طالقة مالكيشي عوزة

دي مصر عايزة جماعة فايقين

يا مرحب

من أغاني القمار

1. فيك عشرة كتشينة

غناء محمد عبد الوهاب وألحان سيد درويش وكلمات يونس القاضي

فيك عشرة كوتشينة فى البلكونة

بصرة بشكة عادة مجنونة

كلت بولد آه يا حلوللي

وشوف بقى اللعب الرايق

الطيبة الدوه و البللى وآهى فورة من أول طابق

تلاعبني ليه.. ليه بقى برهان

آدي بصرة بالكومى والبنت

وآدي بصرة تاني بالشايب

اللي ما شفتك مرة كلت باين ما لكش هنا نايب

تلاعبني ليه.. ليه بقى برهان

شوف الحساب فاضل بنطين

ياللا قوام أوفي بوعدك

جاني ولد لأ دول اتنين

نهايته أهي راحت عندك

فيك عشرة تانية.. إنما برهان

2. البوكر

غناء منيرة المهدية، والملحن والمؤلف مجهولان

يا جدع مزمز يا جدع

العب لعبك

اوعى تبلفني اشوفك

حتى لو صح فلوسك

يا جدع يا جدع

اقوله كارت يقول سرفي

ولما اشوفه بلازمن تيف

ان غاب له ورقة ولا اتنين

دايماً أشوفه جوز واحد

حبي ياناس مقدرش عليه

يغلب كتير ياناس بوريه

نوبة معايا ظلم عليه

طير لي برج فى دور واحد

كلمات مفتاحية
الجنس فن مصر

التعليقات

المقال التالي